287

کہیں پاکستان یہ طیارہ تباہ نہ کردے، بھارتی وزیر دفاع نے طیارے کی حفاظت کے لئے پوجا شروع کردی

اسلام آباد(مانیٹرنگ ڈیسک)فرانس کی جانب سے پہلا رافیل طیارہ بھارت پہنچ گیا جسے گزشتہ روز بھارتی فضائیہ کے سپرد کیا گیا۔ لیکن رافیل طیارہ ملتے ہی بھارتی وزیر دفاع نے طیارے کی پوجا کے لئے بندوبست کیا اور بھرپور طریقے سے پوجا کی۔ جِسکی وڈیوز سوشل میڈیا پر وائرل ہیں جِس میں راج ناتھ سنگھ کو پوجا کرتے دیکھا جا سکتا ہے. رافیل طیارے کو رکشا سوتر باندھنے کی بھی تیاری کی گئی۔بھارتی میڈیا کا کہنا ہے کہ یہ پہلا موقع ہے کہ جب کسی طیارے کی رکشا کے لیے پوجا کی گئی۔پاکستانی سوشل میڈیا

صارفین نے اس پر دلچسپ تبصرے کیے ہیں،چونکہ گزشتہ کچھ عرصہ میں بھارت کے کئی طیارے تباہ ہو چکے ہیں جب کہ پاکستان بھی 27فروری کو بھارت کا ایک طیارہ گرا چکا ہے۔اسی تناظر میں پاکستانی سوشل میڈیا صارفین کا کہنا ہے کہ پاکستان کے پائلٹ بھارت کو ملنے والا 90 ملین ڈالرز کا رافیل کہیں تباہ نہ کر دیں اسی لیے فرانس سے رافیل طیارہ ملتے ہی بھارتی وزیر کیسے پوجا پاٹ کر رہے ہیں۔ایک صارف نے کہا کہ جو مرضی ہے کرلیں لیکن ہمارے شاہین ان کو نہیں چھوڑیں گے۔ایک صارف نے کہا کہ بھارتی وزیر دفاع راج ناتھ سنگھ نے فرانس میں کہا مجھے خوشی ہے کہ رافیل کی ڈلیوری وقت پر ہو رہی ہے اور امید ہے کہ یہ ہماری فضائیہ کی طاقت میں اضافہ کرے گا۔انھوں نے مزید کہا کہ آج انڈیا اور فرانس کے سیاسی اشتراک کے ایک نئے دور میں رافیل جنگجو طیارے میں پرواز کروں گا جو ایک اعزاز کی بات ہے۔انہوں نے مزید کہا کہ رافیل ایک فرانسیسی لفظ ہے جس کا مطلب آندھی ہے اور میں امید کرتا ہوں کہ یہ اپنے نام کی طرح ہی انڈین فضائیہ کو مضبوط کرے گا۔

اس خبر پر اپنی رائے کا اظہار کریں

اپنا تبصرہ بھیجیں

one × 4 =